| ● أسيـ،ـرة الأح...'s profile•εïз•·.·♡ღ◦˚°أسيرة الاحز...PhotosBlogLists |  Tools  Help |
|
September 16 ★ ◦ ˚ ° .. MÝ ·.· FÚÑÑÝ ·.· ÁÇTÎÒÑS .. ° ˚ ◦ ★  ,, هااااي قااايز
امممممممم اليوم يايبه لكم من بعض مواقفي الي صارت لي وبالاخص عن طيحااتي
 الي اطيحهـا ..  انزين لاتضحكووون علي واايد بل شكلكم من الحين ضحكتوا* * *
الله يسلمكم اول طيحه طحتها في حياتي كانت على ايام الجوتي بو تواير الخط .. كنت الله يسلمكم في الحوش ومفتله وحالتي حاله اني الحين فناانه
وماوعيت الا اجوف حد ياي في سياره وكانت بنت خالي وانا مسويه نفسي فلته الحين يعني محد يقدر يسوي الي اسويه وكنت مسرعه حدي ورايحه صوبها وتوها مبطله الباب كنت ابي امسك الباب ماوعيت الا انا داعمه الباب مال السياره ومسكرته على ريلها ويدها لانها كانت منزله ريلها توها تبي تنزل وماجوف الا خشم مفعوص عالدريشه هههههههههههههههههههههههههههههه دورني ابي اضحك وابي اصيح من الاحراج صراحه كان موقف محررررررج
الله لايعوده يارب .. هاي اخره الي يفتلوون ههههههههه
* * *
اما الموقف الثاني الي صار لي كنت عند باب المدرسه اذكر كنت في ثالث اعدادي وكنت قايمه الصبح مسطله ومالي خلق حق المدرسه وطبعا انا اوصل متاخر يعني محد كان موجود عند الباب سيايير لان اوصل 7 ونص الا توني مبطله باب السياره انا غبيه مانزلت ريلي ماعرف على ماظن نزلتهم مع بعض وماوعيت الا انا دابقه على ويهي تقولون وحده ساجده في نص الشارع وقمت على طول ولا جنه شي صاير نظفت التنوره وكانت في سياره ورانا وفيها بنت .. وعلى طوول دخلت المدرسه عشان ماتعرفني البنت وماتركز علي لكن انا لبقره وقفت عشان افصخ عبايتي الا عرفتني لان محد غيري واول ماجافتني ماوعيت الا تاشر علي بصبعها وتضحك قلت بل رحت فيها ليوم وانا امشي عالفرصه كنت اسمع سالفتي منتشره بين البنات ههههههههههههههههههههههه .. احم هاي سبب من اسباب شهرتي وشعبيتي في المدرسه هع ..
* * *
الموقف الثالث الي صار لي هو اني كنت في السد طالعه مع اختي وبنت خالتي وكنا طالعين من القصر للاغذيه وتعرفون هو اذا طلعنا ماننزل في دري لا ننزل من هذا الي نازل وعادي كانوا حاطين عليه زوليه وكانت متجفسه (يعني متعفسه الي يمشي يتخرطف) وانا كنت مع بنت خالتي نازلين وكنت اضحك وياها وضربتها على ظهرها لان كنا نضحك ويوم ضربتها هي تخرطفت على ويها بس ماطاحت عاد في هنود شافوها ويضحكون واحترت مني وماهقيت انها بتسوي شي ماوعيت الا هذيك ال يدزتني من ظهري خلتني انسدح جدام الناس وطحت على خشب كانوا موقفينه يعني مسكرين فيه المكان فاصلينه بين هالمكان وهالمكان تخيلوا وهذا الخشب كله طاح والهنود الي يشتغلون وقوا يقولون شنو هالشي الي طيح الخشب مساكين جافوني منسدحه فوقه اله يفشلها ياربي والله مانسى ذاك اليوم وخصوصا السد يعني متروووووووووسه ناس وشباب .. <-- محد يطلع معاها وايد اتطيح
* * *
امممممممم بس مابي اكثر عليكم من مواقفي مع ان في مواقف وايد طحت في اللاند وفي ملاهي وبرع قطر يعني لاتعد ولاتحصى ..
انشالله بكتبها لكم في المرات اليايه ..
السموحه اذا طولنا .. January 16 ★ ◦ ˚ ° .. MÝ ·.· SËCÕÑD ·.· FÚÑÑÝ ·.· ÁÇTÎÒÑ ·.· ÍN ·.· SYRÎÂ .. ° ˚ ◦ ★  هاااااااااااااااي ايفري بادي .. والله وحشتووووني واااااااااااااااايد ..والسموحه لاني مقصره في السبيس وايد .. بس انشاء الله الحين بعوضكم .. المهم اليوم بكتب لكم سالفه من
.. سوالفي الي صارت لي قبل سنتين في سوريا بعد ..
 الله يسلمكم كان باقي يومين وبنرجع الامارات عقب بنروح الدوحه .. عاد دريولنا سوري اسمه محمد عااد يسولف وياي انا واختي وقال لنا عن جبل هو في الشام يعني في العاصمه اذا ركبتي فوق اتجوفين الشام كلها بس انا مو متذكره اسمه .. عاد احنا قلنا له يالله ودنا كنا انا واختي ومرت ولد خالي طالعين .. عاد يوم رحنا فوق الجبل طبعا بالسياره كان في 5 حريم لابسين بناطلين ولابسين وحاطين علامه في حنجهم هذا الخط وعقب تحته نقطتين بالاسود نفس الاردنيين .. يعني هذول البدو مال درعا هاي منطقه في سوريا بس كلها بدو ..
المهم قال لنا هذول الي يقرون الكف عاد خبركم حبيبتكم اسيره تحب هالسوالف والمغامرات والاكشن .. قلت له وقف وقف ابي يقرون لي كفي .. قال اوكي رحنا وقفنا الا اختي تمت تسألهم مشاء الله هي تحقق نفسي هع هع .. الا تمت اتجوفني الحرمه وتقول لي تبيني اقرا لج .. قلت في قلبي بس جافتني اصغر وحده وقالت بقص عليها هع هع .. المهم وافقت .. قالت عطيني 100 ليره يعني 7 ريال قطري قلت لها اوكي امسكت يدي وفتحتها وكانت ماسكتها قالت لي طلعي الـ 100 وخليها تحت يدج يعني امسكها بيدي الثاني وقالت لي اني شسمج .. قلت لها اسمي عقب قلت لها لحظه اذا في اشياء خاصه لاتقولينها جدامهم اخاف اتطلع السوالف هع هع هع هع <-- فضيحه.. قالت لي لا اذا في شيء بوديج مناك يعني بتنزلني من السياره قلت اوكي .. الا تمت تقول كلام غريب عجيب طبعا خربطيشن خبركم حافظته وتكرره على كل الي يزورونها هع هع قالت " انتي طيبه وطيبج زياده عن اللزوم وفي ناس من اهلج يكرهونج ويبون يضرونج وهم حاسدينج حتى على ثيابج الي تلبسينها وعندج شخصين يحبونج واحد من اهلج وواحد من بعيد والي منن بعيد يحبج اكثر من الي من اهلج وهو الي راح يسعدج " وبس
عقب قالت لي انزلي عشان اقولج الشيء الخاص .. عاد تميت اجوف اختي اني خايفه .. وودتني بعيييييييييد وقعدتني على الارض يعني على ريولي وهي مجابلتني الا تقول لي انتي تحبين .. قلت لها لا .. قالت مافي بنت ماتحب الحب يبين في عيونج .. اعترفي .. قلت ولييين هاي من وين طالعه لي .. عاد ايامها كنت احب محمد خلاوي هع هع هع وقلت لها ايه احب واحد عاد نزلت راسي اني مستحيه وهي ابتسمت .. قالت لي شسمه قلت لها محمد قالت لي شسم امه عاد اشعرفني بأمه قلت لها ماعرف المهم تمت تقول كلام يعني اشياء دينيه وتقول لي رددي وراي .. مااذكر الكلام بس اذكر ان انشاء الله محمد من نصيبي وانشاء الله محمد مادري شنو من هالكلام وانشاء الله يوفقني وياه وعقب طلعت لي من مخباها خيط قصير بس شوي متين وقالت لي انا بربط الخيط في يدج وبنتم ندعي وعقب فتحي يدج اذا انفتح الخيط معناه محمد من نصيبج ( على فكره هي عاقده الخيط 7 عقد في يدي )
قلت لها اوكي وقالت اذا تحول لونه اسود معناه انسيه وابتعدي عنه .. قلت اوكي .. المهم اعقدت الخيط وتدعي وتنتفض جنها ساحره ومبطله عيونها شوي وتتشنج اجفونها هههههههههههههههه وتهز يدي هز وانا خايفه وانتفض وياها من الرعب لانها وايد تخرع ... وشكل اختي في السياره ومرت ولد خالي يضحكون جيه مطلعين راسهم من الدريشه ويجوفوني انا اضحك واصيح ههههههههههههههههههههه
المهم وهي تتكلم الا اسمعها تقول توعديني اذا بشرتج بخير تعطيني ألفين ليره كل ماتجين .. انا فهمتها ان تقول لي اذا جيتي مره ثانيه اقول لها ايه ايه .. يعني معصي ارجع لج مستحيل اطب مره ثانيه هع هع
شوي الا قالت لي انفخي على يدج نفخت وبطلت يدي شوي الا اجوف الخيط يتحرك فوق يدي جنه حيه لين مانفتحت العقد وانا عيوني مبققه مو مصدقه الي اجوفه قلت هاي جنيه عاد وانا مندمجه مع الخيط ماوعيت الا اسمع صوت طق ترى الحبيبه اقشعت شعره من قذلتي
 وكان يعور وهي اتجرها ماجرت شعره وحده بنت اللذينه .. المهم شوي الا تقول لي جفتي الحمد الله محمد من نصيبج روحي جيبي 2000 قلت لها شنو 2000 مالت شنو قالت انتي وعدتيني قلت لها الحين قالت لي ايه .. قلت في قلبي لحووووووووووول وانا ماعندي في الشنطه هالوقت الا 100 دولار لان توني راده من لبنان يعني تساوي 5000 ليره يعني ماعندي خرده هع هع قلت شسوي قلت لها لحظه رحت حق اختي قلت لها طلعي لي 2000 وانا اصيح تقول لي ليش تصيحين اقول لها اشدراني هذي عيونها تخرع .. الا قالت شنو تقص عليج تعطينها الفين قلت لها ابوس ريولج عطيني بعطيج في البيت ماعندي خرده .. الا جاتنا اختها قالت لي عطيها 2000 لان لو ماعطيتيها هي تقدر اتضرج وتضر الشخص الي قلتي لها عنه وهي عندها شعره من شعرج .. قلت في بالي بل صج ان الباروكه لها دور في حياه الانسان يعني لو لبست باروكه مابيصير شيء هع هع هع ..
المهم عاد دريولنا محمد كان عنده سلاح لان احنا يايين عن طريق السفاره الاماراتيه في سوريا ومعطينا هالدريول وتصريح انه يحمل سلاح .. واسطه واسطه هع هع ..
المهم قال لي اركبي انا بروح لها وطلع السلاح ونزل لها وانا اصيييييييييييييييييييح تقول ياهل هع هع ..
ونزل لها وانا اجوفه يكلمها وهي قاعده عالارض ماتحركت .. شوي الا جا محمد وركب السياره وعطاني شيء ماسكه اقول له شنو لان يده مافيها شيء مايبين شيء الا يقول لي هاج شعرتج هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه سكرت من الضحك مت مت مت مت تخيلوا شكلي غبي وانا قاعده وهم يايبين لي شعرتي اااااااااااااااااه يافشيلتي ههههههههههههههههههههههههههههههههههههههه وبس وعقب وطول ماانا في الدرب انتفض وساكتين واختي تنتفض لانها وايد خافت فعلا الموقف كان يخوف ولين يومكم محد يدري بالسالفه حتى امي ماتدري هع هع بس يوم وصلت البيت قلت حق مرت خالي السالفه قالت لي تحملوا تعيدونها وهي ميته علي ضحك هع هع ..
يخرب بيتي وبيت سوالفي
وبس هاي سالفتنا اليوم .. واتمنى انها اعجبتكم ادري انها مو وناسه نفس الي قبل بس يالله عالاقل كتبت موقف من مواقفي
 December 04 ★ ◦ ˚ ° .. wel ·.· come ·.· to ·.· my ·.· space .. ° ˚ ◦ ★
˚◦ஐ˚◦ ๑بسم الله الرحمن الرحيم ๑ ◦˚ஐ˚◦
قبـل كل شيء حبيت أعتذر لكم إني سكرت السبيس مدة 4 أو 5 أيـام بدون سابق انذار .. بس مثل انتوا تشوفون كان في صيانه<--- خفي عليهم المهم إني سويت النيو لوك مع أغلى إنسانه وحبيبة قلبي الــ al_3a9iya al_qatariya وأشكـرها على وقفتها وياي .. ربي يخليها لي ولايحرمني منها .. وهذي البوسه لها
عالعموم إلي عنده أي أنتقاد أو أي توجيه أتمنى انه يوجهه لي في السبيس عندكم الكومينت وهم عندكم السجل ..
وأشكـر أخوي صافي النوايا على انتقاده البسيط الي وجهه لي .. واتمنى اني خذت بكلامه ..
أنتظر توجيهاتكم واقتراحاتكم .. وإنشاء الله ماخيب ظنكم ..
November 27 ★ ◦ ˚ ° .. MÝ ·.· RESÚLT .. ° ˚ ◦ ★حيالله من زار سبيسي .. اقلطوا .. اقلطوا ..
جيب القهوه يا صبــي
تفضلوا تفضلوا ..
لا لا لا حالفه تشربون 5 فناجيل
شربتوا ؟؟
اوكي في العافيه ..
يالله نبتدي في موضوعنا انا اليوم متشققه لان رحت المعهد وسحبت اوراقي من المعهد بس الي معور قلبي ربعي فديتهم بيوحشوني لو تشوفون الفلم الهندي الي صار التبوس والتلوي والدموع هههههههههههههههه
بس صج فكه يوم خذت اوراقي لا والمشكله اتهاوش مع المدير ويقول لي خلاص يوم لقيتي شغل يايه تنقلبين علينا وتهاوشينا هههههههههههههه
وعقب رحت فوق عند المحاسبه دفعت لهم فلوسهم وعقب عطوني شهادتي مالت امتحان الـ JET 3 والحمد الله كنت يايبه في : READING SKILLS 80% LISTENING SKILLS 95% WRITING SKILLS 68%
يعني نجحت مع تقدير = PASS WITH MERIT
يالله مع ويهكم تعالوا باركوا لي لاني طلعت من عندهم والله كانوا ذالينا تقول يعاملون خدامات مو ناس ..
عالعموم انا خلص كلامي وانشاء الله اشوفكم قريب هع هع <-- قصدها خلصت بطاريتها هع هع هع هع هع هع
November 19 ★ ◦ ˚ ° .. MÝ ·.· FEELIÑG .. ° ˚ ◦ ★هااااااااااااااااي صبايا وشباب ..
وحشتوني الصراحه وااااااااااااااااااايد ..
امممممممم انا اليوم الصراحه داشه جذي يعني ماعندي سالفه
بس يمكن في شيء بخاطري واحب اقوله .. هو ان هالايام مادري شصايدني يمكن حاله عاطفه
ههههههههههههههههههههههههههه
ماعلينا انسوا السالفه ..
بس المشكله ان صار لي كم يوم كل مافتح الاب توب اشغل اغنيه .. صرت احبها واااااااااااااااااايد
وحبيت انكم تسمعونها معاي .. والي يبي يسمعها بيلقاها في ليستت الاغاني الي احبها
بس انا الحين بكتب لكم كلماتها ..
متخيل انا راح اتحمل بعدك عني مهما طول
وقلبك عني لما يرحل وينساني وانساه متخيل انسى ايامي؟!! حزني وفرحتي والامي شوق وضحكتي واحلامي,, وكل الي عشناه ..متخيل اني راح اقدر !!واصبر واتحمل اكثر !..حتى لو جروحي تكبر لا ياحبيبي لا ..وانا ناطر ياحبيبي ترجع لي ياحبيبي مهما حاولت اداري ,,لهفه روحي وناري مهما طال انتظاري انا ناطر حرام تظلم احبابك بغيابك وبعدك والله حرام
ياحبيبي حرام يصير الحب في لحظه كلام الله مايرضى ياظالم لكن لا ..انت اطيب ,, ومايرضيك اني اتعب ..تبعد ولا تقرب ببقى ناطر ماظن هانت عليك تهدم حبنا بيديك وقلبي ناطر حبيبه وانا نااطر .. يالله حبيبي كفايه ..طالت هذي الحكايه ,, انا محتاجك معايا ياحبيبي وانا ناطر حبيبي ترجع لي ياحبيبي وانا ناطر حبيبي وانا ناطر  هاه أظن اغلبكم عارفها .. يالله ماعلينا ماراح اطول عليكم اليوم بس هذا الي حبيت اقوله ..
اي
اي
اي
نسيت اقولكم غيروا موعدي في المعهد يعني ماصرت نفس قبل اروح العصر والصبح لان في ناس قدموا شكوه على الخيمه ههههههههههههههههههههههههههههههههههه
(الخيمه = مديرتنا لانها متينه واااااااااااااااااااااااااااااااااااااااااااااااايد يحليلها (الحمد الله والشكر
المهم ماعلينا من الطنازه لو بتمون تسمعون طنازتي ماراح نخلص <-- الله باليها الحمد الله والشكر اثامها قد جبل احد بأربع مرات الله يستر
المهم ان موعدي خلوه الصبح يعني حصه العصر احذفوها وخلوها الصبح مع ان مو حلو بس يالله راضيين المشكله ان يبونا نقوم من وقت يعني الحصه تبتدي 7 ونص اااااااااااااااااااااااه الله يعيني على نفسي ويعنيني على المقروده اختي وصراخها الصبح يعني كلنا صرنا نفس الوقت الله يعين ..
المهم وصرت اطلع متأخر يعني يطلعونا 1 ونص زين عالاقل ارقد العصر هع هع هع
يلا خلصنا السالفه ..
 ماعندها اسلوب ----->November 17 .★ ◦ ˚ ° .. HAPPY ·.· BIRTHDAÝ ·.· JÁSSEM .. ° ˚ ◦ ★HaPpY BirThDaY JaSsEm
هاااااااااااااااي للكــل .. طبعا اليوم عيد ميلاد جسوم طبعا أغلبكم يعرفه الي هو عشوووق قطر ..
هااابي بيرثدي عشوووووووووووووووق .. وطبعا على حسب علمي ان صار عمرك 17 يالله عقبال ماتصير 170 وطبعا عشوق من مواليد 1988\11\17 والله ياعشوق اني اليوم مستانسه وااااااااااااايد وهم فرحانه لك يالغالي .. وانا وعدتك قبل اني بسوي لك عرس في سبيسي هع هع هع ..
المهم ابي الكل يبارك حق عشوووووق ووحبيت اقول لك ياعشوق يارب يسعدك في دنيتك ومع الي في بالي <F> وصدقني ياعشوق ترى الصبر زين وانشاء الله راح توصل حق الي بالك
واليوم دام انه عيد ميلادك خاطري اقولك .. أطلب اغلى الامانـي بس المشكله انا عارفه امنيتك بس صعب اني اساعدك بس مثل ماقلت لك اصبر وصدقني راح تنال الي تبيه ..
من قدك عشووووق 17 سنه وانت عايش على وجه الارض هع هع <--متفيجه هههههههههههههههههههه
عشوق تعال اسمع من عندي كم اهداء وانشاء الله يعجبونك :
هابي بيرثدي .. هابي بيرثدي ياجاسم كل عام وانت اغلى من الي قبله.. وانت جاسم روح عبدالله وكل حياته .. انت عيدك ماظن اي عيد مثله.. شوفتك ياجاسم عيد بحد ذاته .. كل عيد وانت اغلى من الي قبله .. ابتسامك يسوى هالدنيا بعيوني.. لا خلاني ربي من هالابتسامه .. خذ ياجاسم كل مافوقي ودوني.. لك هديه ماوفت في قلبي مقامك.. سلم الله عمرك الوردي وقلبك .. يابعد غالي ابوك وكل من له .. موبس تاج راس الي يحبك.. انت تاج (ن) فوق راس الكون كله.
**** غنوا لجاسم وقدموا له التهاني.. في عيد ميلاده عساها ميه عام افرح ياجاسم واطلب اغلى الاماني .. الليله ياعمري تناديك الاحلام ودعت عام وقابلت عام ثاني.. يعلق في العمر في حب وهيام .. انسى الهموم اليوم واضحك عشاني .. والله ابتسامه منك تسعدني اعوام
***** جسوم الصراحه ماعندي شيء اقوله اكثر والله اني خاطري اسوي اشياء وايد بس مااعرف
والله الفرح نساني هموم والآم .. واجمع افكاري ويعجر لساني من فرحتي معذور والله مانلام احترت وشهديك غير الاغاني .. واطلب من الله ياجسوم عساني مانحرم من بسمتك طول الايام.. November 13 ★ ◦ ˚ ° .. MÝ ·.· ÑEWS .. ° ˚ ◦ ★هاااااااااااااااااي للجميييييييييع ..
شخباركم حبايبي؟
أول شيء حبيت أشكر كل شخص كتب لي كومينت او في السجل مالي بس صج صج اشكركم من كل قلبي واتمنى اني سويت الي علي وزرت
سبيساتكم كلكم وكتبت لكم كومينتات ..
 بس الحين في مشكله .. ومثل مانتوا تعرفون اني مقروده يعني المشاكل لاحقتني فوق تحت .. المهم ماعلينا الصراحه اليوم اول ماوصلت المركز مالي وسمعت الخبر في الحصه الاولى كان ودي اطير من الفرحه وادق
 اصبع واهز ارقبه هههههههههههههه<--طبعا قصدها العكس المهم خلني اقول لكم الخبر الي يمكن اغلب الي يعرفوني عرفوا هالخبر قبل مااكتبه مثل ماقلت لكم خبر يونس هههههههههههه.. المهم الخبر هو ان عندي دراسه العصر يعني مستحيل ادش النت هالايام لان بكون تعبانه تخيلوا المركز من 8 لين 1 واوصل البيت 2 وعقب ارجع مره ثاني المركز الساعه 5 واطلع 8 واارجع البيت وعلى طول نوووووووم آآآآآآآآآآآآآآآآآآآآآآه بموووووووووووت .. والله العظيم اصلا احس ان الماده مامنها داعي بذمتكم عمركم شفتوا حد يعطينا حصة كومنيكيشن ؟؟ قهر قهر قهر قال شو قال عشان يعلمونا شلون نرد على الاتصالات ومن هالسوالف الي يبونها في الشغل اااااافففففففففففففففففففففففف
والله العظيم احس ان خدامتنا ماتشتغل هالكثر هع هع
ذلونا يامال المرض .. المهم الي حبيت اوصله لكم اني انشاء الله بحاول
ادش يمكن ادخل الظهر بس مو اكيد ..
المهم اتمنى انكم تفتقدوني هع هع <--- مصدقه نفسها
والله والله انكم بتوحشوني حتى انت ياسبيسي والله اني تعودت ادش واجابلك حتى لو مافيه شيء <--- خبرك بنت فقر مو شايفه خير
هههههههههههههههههههههههههه
 لاتطنزون يالله الي بوحشه او بيفتقدني او يبي اي شيء مني .. ترى الكومينت موجود وانشاء الله مابقصر وياكم
خويتكم المصرقعه
أسوره الاحزان
November 10 .★ ◦ ˚ ° .. MÝ ·.· TÎMË ·.· ÁND ·.· VÎSÎTÒRS .. ° ˚ ◦ ★احم احم باركوا لي سويت لي عداد نفس خلق الله مو قبل تقول سبيس هيلق مافيه عداد هع هع هع هع
•εïз•·.·♡ღ◦˚°أسيرة الاحزان°˚◦ღ♡·.·•εïз• وبعد سويت لي ساعه الكترونيه حسب توقيت سبيسي المصرقع
.★ ◦ ˚ ° .. MÝ ·.· FIRST ·.· FÚÑÑÝ ·.· ÁÇTÎÒÑ ·.· ÍN ·.· SYRÎÂ .. ° ˚ ◦ ★احم احم
شخباركم اليوم ؟ عساكم بخير
المهم انا اليوم جايتكم من صباح الله خير قايمه ومافيني نوم الله وكيلكم خمدت 8 ساعات وي وي وي بسم الله علي .. المهم جنه غيرنا السالفه .. يالله يالله نرجع لمحور حديثنا انا اليوم يايتكم وعندي سالفه من سوالفي المقروده هع هع هع ..
الله يسلمكم هالسالفه صارت لي واحنا في سوريا كنا رايحين نصيف الناس يصيفون برع وانا مصيفه في الليفت هههههه الليفت=هذا الي نفس الكبت الي تركبونه ويوديكم من طابق لين طابق
المهم نرجع لمحور حديثنا
الله يسلمكم احنا كنا ساكنين في الفيلا مالت خالي في بلودان وعاد مثل ماتعرفون الزبداني فليل يكون وناسه وزحمه عاد انا واختي المقروده قلنا نبي ننزل الزبداني عشان نتمشى وخصوصا ان كان يوم الخميس عاد هي لبست واكشخت ومثل مانتوا عارفين اختكم أسيره فاجه يعني بارده اخر العالم تجهز المهم احنا غرفتنا في الطابق الثالث يعني لازم نروح لها بالليفت (هذاك الكبت الي قلت لكم عنه فوق )..؟
عاد سوريا معروفه الكهرباء كل شوي انطفت بس 3 دقايق وترجع تفتح عاد خالي حاط لنا مكينه كبييييييييره لو تسكرت الكهرباء دايركت هالمكينه تشتغل خلال 30 ثانيه (والله ذكرتني بمكينتنا في الشحانيه هع هع )؟
المهم الله يسلمك عاد انا نزلت تحت الطابق الثالث عشان اييب البالطو مالي عشان نطلع وشوي الا هالمقرود الي يسمونه اللفيت وصل وركبت فيه توني توني والله ماضغطت رقم الطابق الي باروح له الا تسكرت الليتات والكهرباء وكان المكان ظلاااااااااام يعني خرمس
وتميت احاتي ياربي شاسوي اللحين وتلفوني حاذفته عندهم شلون اتصل تميت اضغط الجرس مال الليفت هع هع تقول جرس مدرسه الزهيويه حتى انا ماقدر اسمعه يعني صوته واااااااااااااااااطي بس حاطينه للزينه .. عاد حبيبتكم أسوره قالت يالله فرصه بقعد أحط ميك اب لين ماييون وشوي الا تبطلت الليتات الا الليفت ماتبطلت ليتاته والزين فيه انه شفاف يعني زجاج عاد تميت قاعده وخلصت الميك اب وطلعت تلفوني مال قطر وتميت اللعب سنيك هع هع هع على أمل انهم يوصلون شوي الا حسيت اذني صارت حااااااااااااااااره من فوق قلت بس وصل عزراييل يعني انا بودع هههههههههههههههههههه الله لايرويكم حالتي وتميت صارخ واصارخ اناديهم بس لاحياه لمن تنادي .. وشوي الا لقيت دمعه انزلت يعني بدت اثار الخوف قاعده اقول ياربي سامحني على اللي سويته في دنياي ههههههههههه الله يرجني هههههههههههه
المهم يعني تميت نص ساعه وانا على هالحاله وشوي الا اسمع صوت حد يصارخ وتميت اصارخ معاه تدرون مع الخيل ياشقرا هع هع شوي الا اشوف اليهالوه يايين يتراكضون وواقفين يدام الليفت عاد تعرفون شكلي غبي وانا واقفه داخل وساكته تقول صنم اسرائيل ههههههههههههههههههههههههه المهم الا راحوا ينادون عبدالله السوداني الي يشتغل عند خالي لان عنده مفاتيح الليفت ماوعيت الا جايني واحد سوري اسمه حموده قلت له وين عبدالله ييبوا المفتاح شوي الا وصلت العايله الموقره الي متكونه من زوجه ولد خالي وعيالها هههههههههه وامي فوق ماتقدر تنزل بالدري 3 طوابق خبركم الركبه هالايام داقه نرجع لمحور حديثنا وعقب تم هذا حموده يفتح الليفت بيده وينفخ داخل يعني يابلفيت يبي يعطيني اوكسجين قاعده اقول في قلبي يالثور انت تنفخ ثاني اكسيد الكربون وانا اتنفس اوكسجين يعني اشعندك تنفخ ليكون شايفني بسوي لك عمليه البناء الضوئي هع هع المهم وصل هالسوداني عبدالله وفتحوا الليفت وطلعت بسلامه وكان ويهي مزورق على
وعقب وهم ماسكيني وبيركبوني الدري الا اختي يايه تركض توها الحبيبه داريه بالسالفه وتصيح وتركض وجات وضمتني وتضربني على ظهري وتقول لي ياحماره خوفتينا عليج امي بتموت فوق بسبتج قلت في قلبي بل عليج بدال ماتخففين عني يايه تضربيني هههههههههه لا وتقول امي
عاد عقب رحت فوق وكلهم ماسكيني وطحت في حضن امي هع هع تعرفون اخر العنقود ولازم تدلع شوي هههههه وتميت اصيح وشوي الا النفس ضاق وشوي الا ماشفت نفسي الا الدكتور على ايدي اليمين منثبر وهلي واقفين تقول يايين يدورون صدقات هع هع هع وبس وعقب قالوا لي الضغط ارتفع عندج مع ان مافيني ضغط بس الضغط جاني بسبه هاللفت هههههههههههههه الله يخسك من الليفت بس صج مغامره حلوه كانت ..
اتمنى انها اعجبتكم مثل ماعورت قلبي واحرقت بطني وخلتهم يهونون عن الطلعه عشاني تعبانه مالت علي هههههههههههههههه
المهم انا عندي لكم سالفه ثانيه بس مو الحين يوم اعرف رايكم بالهالسالفه..
يالله تشااااااااووو
November 07 .هذا إهداء مني لجدتي (الله يرحمها)..!!؟ وفارقت الحياه في تاريخ: 26\6\2001 !!..كنت الدفا وكنت القلب الحنون..!! !!..كنت لجروحي الدواوين رحتي..!! !!..وين الهنا قلبي كله شجون..!! !!..غابت السعاده عني يوم غبتي..!! !!..أنت العرب والجماعه اللي يعزون..!! !!..ضاقت الدنيا بعيني يوم رحتي..!! !!..هذا القدر وأنا مني ملزوم..!! !!..أطلب لك الغفران يوم متَي..!! !!..وأطلب من الله يجعل سماك مزون..!! !!..تهل عليك المطر ياللي افتقدتي..!! !!..ويجعل مسكنك رياض وأشجار من كل لون..!! !!..ويعطيك من ثمرها يوم عطيتي..!! |
قولتهم لان فديتني فقدت اوكسجين وايد .. ؟ 
بتموت فديت امي انا
|
|
